تعرف ان مفيش حاجه اسمها فلتر امريكى ؟

تعرف ان مفيش حاجه اسمها فلتر امريكى ؟
احترت من اعلانات الفلاتر الامريكيه الكتير؟
طيب تعالى واحنا نفهمك
ببساطه كدا مصر بتستورد اكتر من 90% من احتياجتها من الفلاتر من دولة الصين
وتقريبا باقى ال10% بييجى عدة بلدان منها تايوان وجزء ضئيل جدا من الولايات المتحدة وجزء من اوروبا ودا اللى بداء يزيد الفتره الاخيره وجزء من روسيا ودا مكانش موجود قبل كدا خالص وفى 2016 مصر بداءت تصنع فلاتر بس لسه مدخلناش سوق المنافسه

امال ايه بقى حكاية فلتر امريكى سبع مراحل اللى كل الناس بتستخدمها فى الاعلان والترويج دى الموضوع ببساطه ان اول ناس بدؤا ينتجوا وحدات المعاجه بشكل تجارى كانوا الامريكان لكن بعد فتره صناعة البلاستيك كانت من الصناعات غير المرغوب فيها من الولايات المتحده عشان كدا قلت جدا وبدل ما يبقى عندهم شركات زى ابل كدا تصنع برا بلدهم باسمهم ملحقوش يعملو الموضوع دا وبعض البلادان ومنها الصين ومصر عملوا مصانع لتصنيع الفلاتر والكلام دا من اكتر من 20 سنه لكن للاسف مصر وقفت المصانع بتاعتها لسبب غير معروف ممكن يكون راجع لضعف الاقبال عليها ساعتها وبقت الشركات حول العالم تستورد هى كل قطعة غيار من البلد اللى بتصنعها وتعمل منتجاتها بنفسها واللى من الشركات دى بالطبع الشركات المصريه وللغلم مصر من اكبر البلدان المستورده لفلاتر المياه
وعشان احنا شعب بنحب الحاجه الامريكى بقت الشركات تستخدم كلمة الفلاتر الامريكيه فى التسويق ومع انتشار تجارة الفلتر فى مصر بسبب سوء حالة الميه انتشر كمان مكاتب تجارة الفلاتر اللى بيديرها شباب صغيرين ودول كل اللى ناقصهم انهم يؤهلوا كويس ويفهموا اكتر ايه الحجات اللى بيشتغلوا فيها وكمان يعرفوا الحكايه اللى فاتت دى فبدؤا يستخدموا امريكى دى على اساس ان المنتج امريكى بالكامل
عموما عشان نختصر كل اللى فات دا ممكن تعرف اسعار فلاتر الميه وكمان كل ماركات الاجهزه الموجوده فى مصر وقريب جدا هننزل اسماء الشركات اللى هيبقى متوفر عندها المنتجات دى بالاسعار المعلنه ودا عشان محدش يضحك عليك
ولازم تعرف ان الفلاتر دى اسعارها بتبداء من 750 جنيه للفلتر السبع مراحل (الامريكى ‏‎  )
[ٌ#احنا عاملين مجموعة مقالات جريئه لتوعية العميل وهنخليك تعرف تختار الفلاتر المنزليه بشكل صحيح وايه هى الشروط الواجب توافرها فى الشركة المقدمه للخدمه وازاى تعرف اذا كان المنتج مطابق وايه هى المواصفه والضمان و ………..تابعونا
‫#‏فلترمياه7مراحل
‫#‏فلاترتنقيةالمياه
‫#‏اوعى_حد_يضحك_عليك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *